Pita ke kandhe majboot pahad ki tarah hote hai, jin par chad ke hum duniya ko dekhna chahte hai

Jab vo kandhe kamzor padhne lagte hai tab hum andar se hil jate hai, ye kya ho raha, duniya samjh aani band hojati hai, fir vahi bachpan khatam hojata hai.

Unhe dekhne ka man nahi karta
Unhe dekhna matlab sach ko dekhna
Unke toot te kamzor kandho ko dekhna
Unke dard ko dekhna
Pyaar itna jyada hota hai un darasingh lagne wale kandho se ki unka jhukna thoda neeche hojana humse bardaasth nahi hota
aur hum ye sach dekhne se inkaar kar dete hai

Vo dawai maange to unse ladne lagte hai
Koi likhne bolne filme banane wala kabhi ye sach kyu nahi dikhata ki bachhe apne ma baap se bahut pyaar karte hai, is pyaar ko vo sambhal nahi paate, vo bachhe umar se bade hone lagte hai par ma baap ki ungli chod ke chalne ka dard unhe umar bhar satata hai, aise bachhe apna bachpan aankhon ke saamne aane nahi dena chahte, ma baap ki aashaon se dukhi hokar aatmhatya karke ma baap ko fir se dukhi karne wale to bahut kisse sune

par jee kar unko pyaar na dikha kar unse dur rehkar chup rehkar taane sun kar jhagad kar dukh dene wale bade bachhe kaha chup kar bethe hai?

Aise log jo mere jaise hai log hai, kaunsi chai ki tapri par beth kar dukh me chupchap chai pite hai, kitne ki aur kaisi chai milti hai vaha?